പുതുപ്പള്ളി പള്ളിയിൽ സ്ലീബാ പെരുന്നാൾ ആഘോഷിച്ചു

പുതുപ്പള്ളി സെന്റ് ജോർജ്സ് വലിയപള്ളിയിൽ സ്ലീബാ പെരുന്നാൾ ആഘോഷിച്ചു. രാവിലെ നമസ്കാരത്തിനു ശേഷം നടന്ന കുർബാനക്ക് ഇടവക മെത്രാപ്പൊലീത്ത ഡോ. യൂഹാനോൻ മാർ ദിയസ്കോറസ് നേതൃത്വം നൽകി. തുടർന്ന് എംഡി എൽപി സ്കൂളിനു വേണ്ടി പുതുതായി നിർമിക്കുന്ന കെട്ടിടത്തിന്റെ ശിലാസ്ഥാപനകർമം മെത്രാപ്പൊലീത്ത നിർവഹിച്ചു. വികാരി ഫാ. കുര്യൻ തോമസ്, ഫാ. മാർക്കോസ് ജോൺ, ഫാ. മാർക്കോസ് മാർക്കോസ് എന്നിവർ ചടങ്ങുകൾക്കു നേതൃത്വം നൽകി.