അനുഗ്രഹം ചൊരിഞ്ഞ് പ്രദക്ഷിണം

പുതുപ്പള്ളി - തീർഥാടക മനസ്സുകളിൽ ആഹ്ലാദത്തിന്റെ പൂത്തിരിയും അനുഗ്രഹത്തിന്റെ കുളിർമഴയും ചൊരിഞ്ഞു പുതുപ്പള്ളി തീർഥാടനം ഇന്നലെ നടന്നു. സന്ധ്യനമസ്ക്കാരത്തെ  തുടർന്നായിരുന്നു പള്ളിയിലേക്കു വിവിധയിടങ്ങളിൽ നിന്ന് ഇന്നലെ പ്രദക്ഷിണം ആരംഭിച്ചത്. വാദ്യമേളങ്ങളും മെഴുകുതിരികളും മുത്തുക്കുടകളുമായി ജനസഞ്ചയം പ്രദക്ഷിണത്തിൽ അണിനിരന്നു. 

കൈതമറ്റം മാര്‍ ഗ്രിഗോറിയോസ് ചാപ്പലില്‍, പാറയ്ക്കൽ കടവ് കുരിശിൻതൊട്ടി, കൊച്ചാലുംമൂട് ഓർത്തഡോക്സ് സെന്റർ, നിലയ്ക്കക്കൽ പള്ളിയുടെ വെട്ടത്തുകവല കുരിശിൻതൊട്ടി, വെള്ളക്കുട്ട സെന്റ് തോമസ് പള്ളിയുടെ കാഞ്ഞിരത്തുംമൂട കുരിശിൻതൊട്ടി എന്നീവടങ്ങളിൽ നിന്നാണ് പ്രദക്ഷിണം നടന്നത്. സെമിത്തേരിയിൽ ധൂപ്രപാർത്ഥന, തീർഥാടകർക്ക് ആനന്ദം പകര്ന്നു പരിചമുട്ടുകളി എന്നിവയും നടന്നു. ചരിത്രപ്രസിദ്ധമായ വെച്ചൂട്ട്നുള്ള , വിറകിടീല്‍ ഘോഷയാത്ര ഇന്നു ആചാരപൂർവ്വം നടക്കും. ഇടവക സമൂഹം ഒന്നാകെ വിറകിടീല്‍ ഘോഷയാത്രയിൽ അണിനിരക്കും.